Ուժի մեջ մտնելու ամսաթիվը՝ 01․06․2026

Սույն Գաղտնիության քաղաքականությունը (այսուհետ՝ «Քաղաքականություն») սահմանում է, թե ինչպես է «Պրիմուս Մեդ» ՍՊԸ (այսուհետ՝ «Ընկերություն» կամ) հավաքագրում, օգտագործում, պահպանում և փոխանցում Primusmed.am կայքի (այսուհետ՝ «Կայք») օգտատերերի (այսուհետ՝ «Օգտատեր») անձնական տվյալները:

Ընկերությունն ապահովում է օգտատերերի անձնական տվյալների պաշտպանությունը համաձայն ՀՀ «Անձնական տվյալների պաշտպանության մասին» օրենքի և ոլորտային այլ իրավական ակտերի:

1. ԻՐԱՎԱԿԱՆ ԿԱՐԳԱՎԻՃԱԿ ԵՎ ԱՐՏԱԴՐԱՆՔԻ ԲՆՈՒՅԹԸ

Ընկերությունը հանդես է գալիս որպես դեղագործական կազմակերպություն, որն ունի մեծածախ վաճառքի լիցենզիա։ Կայքի միջոցով իրականացնում է բացառապես կենսաբանական ակտիվ հավելումների (ԿԱՀ) օնլայն մանրածախ վաճառք ֆիզիկական անձանց: Համաձայն ՀՀ օրենսդրության՝ ԿԱՀ-երի իրացումը չի պահանջում դեղերի մանրածախ իրացման (դեղատնային) լիցենզիա և կարգավորվում է սննդամթերքի անվտանգության վերահսկողության նորմերով:

2. ՀԱՎԱՔԱԳՐՎՈՂ ԱՆՁՆԱԿԱՆ ՏՎՅԱԼՆԵՐԸ

Մենք հավաքագրում ենք միայն այն տվյալները, որոնք անհրաժեշտ են սպառողին ծառայություններ մատուցելու և պատվերները պատշաճ ձևակերպելու համար.

• Օգտատիրոջ հաշիվ ստեղծելիս և պատվեր ձևակերպելիս՝ Անուն, ազգանուն, էլեկտրոնային հասցե, հեռախոսահամար և առաքման նախընտրելի հասցե:

• Մասնագիտական հաշիվների համար (Բժիշկներ/Մասնագետներ)՝ Վերը նշված տվյալներից բացի, մենք կարող ենք պահանջել մասնագիտական գործունեությունը հաստատող նվազագույն տեղեկատվություն (ձեռքով հաստատման փուլ անցնելու և գիտական/հետազոտական նյութերին հասանելիություն ստանալու համար):

• Ավտոմատ հավաքագրվող տվյալներ՝ Կայք մուտք գործելիս ավտոմատ կերպով կարող են հավաքագրվել տվյալներ օգտագործողի սարքի, IP հասցեի մասին։

3. ՏՎՅԱԼՆԵՐԻ ՀԱՎԱՔԱԳՐՄԱՆ ԵՎ ՄՇԱԿՄԱՆ ՆՊԱՏԱԿՆԵՐԸ

Անձնական տվյալները մշակվում են հետևյալ նպատակներով.

• Կայքում անձնական էջի ստեղծում և կառավարում:

• Պատվերների ընդունում, մշակում և վճարումների համակարգում (ներառյալ՝ ինտեգրված վճարային համակարգերի միջոցով):

• Պատվիրված ապրանքների առաքման կազմակերպում:

• Մասնագետների համար նախատեսված տեղեկատվական/հետազոտական բաժնի հասանելիության ապահովում:

• Կայքի աշխատանքի բարելավում և օգտատերերի նախասիրությունների վերլուծություն։

4. ՏՎՅԱԼՆԵՐԻ ՓՈԽԱՆՑՈՒՄԸ ԵՐՐՈՐԴ ԱՆՁԱՆՑ

Ընկերությունը չի վաճառում կամ տրամադրում անձնական տվյալները երրորդ անձանց մարքեթինգային կամ այլ կոմերցիոն նպատակներով: Տվյալները կարող են փոխանցվել բացառապես.

• Առաքման ծառայություններին՝ պատվերը նշված հասցեով առաքելու նպատակով (փոխանցվում է միայն անունը, հեռախոսահամարը և հասցեն):

• Վճարային համակարգերին՝ Օնլայն վճարումների անվտանգությունն ապահովելու համար (վճարային քարտերի տվյալները մշակվում են անմիջապես լիցենզավորված վճարային գործընկերների կողմից և չեն պահպանվում ընկերության սերվերներում):

• Օրենքով սահմանված դեպքերում՝ ՀՀ պետական իրավասու մարմինների պաշտոնական պահանջի առկայության դեպքում:

5. ՄԱՐՔԵԹԻՆԳ ԵՎ ԾԱՆՈՒՑՈՒՄՆԵՐ

Ընկերությունը ուղարկում է տեղեկատվական կամ գովազդային բնույթի հաղորդագրություններ ԿԱՀ-երի վերաբերյալ միմիայն օգտատիրոջ նախնական համաձայնությամբ կամ ցանկությամբ: Օգտատերը ցանկացած պահի իրավունք ունի հրաժարվել նմանատիպ ծանուցումներից՝ նամակում առկա «Unsubscribe» (Հրաժարվել բաժանորդագրությունից) հղման միջոցով։

6. ՏՎՅԱԼՆԵՐԻ ՊԱՀՊԱՆՈՒՄԸ ԵՎ ԱՆՎՏԱՆԳՈՒԹՅՈՒՆԸ

Կիրառվում են համապատասխան տեխնիկական և կազմակերպչական անվտանգության միջոցներ՝ անձնական տվյալները չարտոնված մուտքից, փոփոխումից, հրապարակումից կամ ոչնչացումից պաշտպանելու համար: Տվյալները պահպանվում են այնքան ժամանակ, որքան անհրաժեշտ է սույն Քաղաքականության մեջ նշված նպատակներն իրագործելու կամ ՀՀ օրենսդրությամբ սահմանված պահանջները կատարելու համար:

7. ԲԺՇԿԱԿԱՆ ՊԱՏԱՍԽԱՆԱՏՎՈՒԹՅԱՆ ՍԱՀՄԱՆԱՓԱԿՈՒՄ (DISCLAIMER)

Կայքում տեղադրված գիտական հետազոտությունները, հոդվածները և տեղեկատվությունը ԿԱՀ-երի վերաբերյալ կրում են բացառապես տեղեկատվական/ճանաչողական բնույթ և չեն կարող դիտարկվել որպես բժշկական խորհրդատվություն, ախտորոշում կամ բուժման հրահանգ: Ցանկացած հավելում օգտագործելուց առաջ օգտատերերին խորհուրդ է տրվում խորհրդակցել համապատասխան բժշկի կամ առողջապահության ոլորտի մասնագետի հետ:

8. ՁԵՐ ԻՐԱՎՈՒՆՔՆԵՐԸ

Համաձայն ՀՀ օրենսդրության՝ անհատն իրավունք ունի.

• Ծանոթանալ անձնական տվյալներին, պահանջել ուղղել կամ թարմացնել դրանք:

• Պահանջել դադարեցնել տվյալների մշակումը կամ ջնջել դրանք (ինչը կարող է հանգեցնել Կայքում անձնական հաշվի փակմանը և ծառայություններից օգտվելու անհնարինությանը):

• Հետ կանչել տվյալների մշակման համար տրված համաձայնությունը:

9. ՓՈՓՈԽՈՒԹՅՈՒՆՆԵՐ ԳԱՂՏՆԻՈՒԹՅԱՆ ՔԱՂԱՔԱԿԱՆՈՒԹՅԱՆ ՄԵՋ

Ընկերությունն իրավունք ունի պարբերաբար թարմացնել սույն Քաղաքականությունը: Փոփոխությունների դեպքում Կայքում կհրապարակվի թարմացված տարբերակը՝ նշելով ուժի մեջ մտնելու ամսաթիվը: Կայքից շարունակական օգտվելը նշանակում է, որ օգտատերը համաձայն է փոփոխված պայմաններին:

10. ԿՈՆՏԱԿՏԱՅԻՆ ՏՎՅԱԼՆԵՐ

Սույն Քաղաքականության կամ անձնական տվյալների մշակման վերաբերյալ հարցերի կամ դիմումների դեպքում անհատը կարող է կապ հաստատել ընկերության հետ հետևյալ հասցեներով.

• Իրավաբանական անվանում՝ «ՊՐԻՄՈՒՍ ՄԵԴ» ՍՊԸ

• Իրավաբանական հասցե՝ ք․ Երևան , Նար-Դոսի փ․, շ․ 75, բն․ 126

• Էլեկտրոնային փոստ՝ info@primusmed.am

• Հեռախոսահամար՝ +37444111107